پیدایښت Chapter 10

1. دا د حضرت نوح د زامنو حام، سام او یافث اولاده ده چې د سیلاب څخه وروسته زېږېدلې ده.

2. د یافث زامن: جومر، ماجوج، مادای، یاوان، توبال، ماشک او تیراس.

3. د جومر زامن: آشکناز، ریفات او توجرمه.

4. د یاوان زامن: الیشه، ترشیش، کتیم او رودانیم.

5. دا د هغو خلکو نیکونه وو چې د دریاب په غاړه او په جزیرو کې اوسیږي. دا ټوله د یافث اولاده وه چې خپلې ژبې، خپل قومونه او خپلې ځمکې یې درلودلې.

6. د حام زامن: کوش، مصرایم، فوط او کنعان.

7. د کوش اولاده سبا، حویله، سبته، رعمه او سبتکا وه. د رعمه اولاده شبا او ددان وه.

8. د کوش یو زوی نمرود نومېده، هغه د دنیا اولنی قوي جنګیالی ؤ.

9. هغه د خدای پاک په نظر کې یو ډېر قوي ښکاري ؤ، له دې کبله خلک وایي: <خدای پاک دې ستا څخه د نمرود په شان لوی ښکاري جوړ کړي.>

10. د هغه په پادشاهۍ کې اول څپرکیل، ارک، اکد او کلنه شامل وو چې دا درې واړه د شنعار په خاوره کې پراته دي.

11. او د هغه ځای څخه نمرود آشور ته لاړ او د نینوا، رحوبوت عیر او کالح ښارونه

12. او ریسن چې د نینوا او د کالح د لوی ښار ترمنځ پروت دی جوړ کړل.

13. د مصرایم اولاده د لودیانو، عنامیانو، لهابیانو، نفتوحیانو،

14. فتروسیانو، کسلوحیانو او کریت قومونه دي. (فلسطینیان د کریت د قوم څخه وو.)

15. کنعان د صیدون پلار ؤ چې د هغه مشر زوی ؤ او همدارنګه هغه د حیتیانو،

16. یبوسیانو، اموریانو، جرجاشیانو،

17. حویانو، عرقیانو، سینیانو،

18. اروادیانو، صماریانو او حماتیانو نیکه هم ؤ. د هغه څخه وروسته د کنعانیانو قبیلې خپرې شوې.

19. د کنعان پولې د صیدون څخه د جرار خواته تر غزې او بیا د سدوم، عمورې، ادمه او صبوئیم څخه تر لاشع پورې ورسېدلې.

20. دا د حام اولاده ده چې په خپلو قبیلو او سیمو کې اوسېدل او هر یو په خپلو ژبو خبرې کولې.

21. د سام څخه چې د یافث مشر ورور ؤ هم زامن پیدا شول او سام د ټولو عبرانیانو نیکه ؤ.

22. د سام زامن عیلام، آشور، ارفکشاد، لود او ارام وو.

23. د ارام زامن عوص، حول، جاتر او ماشک وو.

24. ارفکشاد د شالح پلار ؤ او شالح د عابر پلار ؤ.

25. د عابر څخه دوه زامن پیدا شول، د یو نوم فالج ؤ ځکه چې د هغه په وخت کې د دنیا خلک ووېشل شول. د هغه د ورور نوم یقطان ؤ.

26. د یقطان څخه الموداد، شالف، حضرموت، یارح،

27. هدورام، اوزال، دقله،

28. عوبال، ابیمائیل، شبا،

29. اوفیر، حویله او یوڅپرکی پیدا شول. دا ټول د یقطان زامن وو.

30. هغه سیمه چې هغوی په کې اوسېدل هغه د میشا څخه د سفارې د لمرخاته غرنۍ سیمې پورې غزېدلې وه.

31. دا د سام اولاده ده چې په خپلو قبیلو او سیمو کې اوسېدل او هر یو په خپلو ژبو خبرې کولې.

32. او په دې سره د حضرت نوح د اولادې لست پوره کیږي. د سیلاب څخه وروسته د هغوی د اولادې څخه قومونه رامنځته شول او په ټوله دنیا کې خپاره شول.