اول تواریخ Chapter 27

1. د اسراییلو لښکرې د دولسو فرقو څخه جوړې شوې وې چې په هغو کې د کورنیو مشران، د لښکرو قوماندانان او د پاچا درباریان شامل وو. هره فرقه له څلورویشتو زرو کسانو څخه جوړه شوې وه چې په نوبت سره یې په کال کې یوه میاشت خدمت کاوه. دا د هغو قوماندانانو لست دی چې عسکرو به په ترتیب سره د میاشتني خدمت دپاره رابلل:

2. په لومړۍ میاشت کې د زبدي ییل زوی یشوبعام،

3. چې د فارص له اولادې څخه ؤ.

4. په دوهمه میاشت کې اخوخي دودای چې مرستیال یې مقلوت ؤ.

5. په درېمه میاشت کې د یهویاداع کاهن زوی بنایاه؛

6. هغه یو جنګیالی ؤ او د دېرشو جنګیالیو مشر ؤ. د هغه د فرقې مسوول د هغه زوی عمیزاباد ؤ.

7. په څلورمه میاشت کې د یوآب ورور عساهیل چې وروسته د هغه زوی زبدیا د هغه په ځای قوماندان شو.

8. په پنځمه میاشت کې د یزراح له طایفې څخه شمهوت.

9. په شپږمه میاشت کې د عقیش زوی عیرا له تقوع څخه.

10. په اوومه میاشت کې حالز فلوني د افرایم له قبیلې څخه.

11. په اتمه میاشت کې حوشاتي سبکای د زارح له طایفې څخه.

12. په نهمه میاشت کې د بنیامین په سیمه کې ابیعزر له عناتوت څخه.

13. په لسمه میاشت کې نطوفاتي مهرای د زارح له طایفې څخه.

14. په یوولسمه میاشت کې د افرایم په سیمه کې بنایاه له فرعاتون څخه.

15. په دولسمه میاشت کې نطوفاتي خلدای، چې د عتنیییل یوه اولاده وه.د قبیلو مشران

16. ‏-

22. دا د هغو مشرانو لست دی چې په اسراییلو کې د هرې قبیلې مسؤولان وو:د زکري زوی الیعازر د روبین د قبیلې مسوول ؤ؛ د معکه زوی شفطیا د شمعون د قبیلې مسوول ؤ؛ د قموییل زوی حشبیا د لاوي د قبیلې مسوول ؤ او صادوق کاهن د هارون د اولادې مسوول ؤ؛ د داود پاچا یو ورور یعنې الیهو د یهودا د قبیلې مسوول ؤ؛ د میکاییل زوی عمري د یساکار د قبیلې مسوول ؤ؛ د عوبدیا زوی یشمعیا د زبولون د قبیلې مسوول ؤ؛ د عزریییل زوی یریموت د نفتالي د قبیلې مسوول ؤ؛ د عززیا زوی هوشع د افرایم د قبیلې مسوول ؤ؛ د فدایا زوی یوییل د لوېدیځې منسي د قبیلې مسوول ؤ؛ د زکریا زوی عیدو د ختیځې منسي د قبیلې مسوول ؤ؛ د ابنیر زوی یعسي ییل د بنیامین د قبیلې مسوول ؤ او د یروحام زوی عزرییل د دان د قبیلې مسوول ؤ.

23. د څښتن د هغې وعدې له مخې چې هغه به د اسراییلو قوم د اسمان د ستورو په شان ډېر کړي، نو داود پاچا د هغو خلکو سرشمېرنه ونه کړه چې عمرونه یې شل او یا له شلو کالو څخه لږ وو.

24. یوآب د زرویه زوی په سرشمېرنې پیل وکړ، خو هغه دا کار سرته ونه رساوه. ځکه خدای اسراییلو ته د دې سرشمېرنې له امله سزا ورکړه، نو وروستنی شمېر هېڅکله د داود د پاچاهۍ د تاریخ په رسمي کتاب کې ثبت نه شو.

25. د عدیییل زوی عزموت د پاچا د شاهي ګودامونو مسوول ؤ. د عزیا زوی یوناتان د پاچا د نورو تحویلخانو چې په ښارګوټو، کلیو او د څارنې په برجونو کې وې، مسوول ؤ.

26. د کلوب زوی عزري د هغو کارګرانو مسوول ؤ چې د پاچا په کروندو کې یې کښت کاوه.

27. له رامه څخه شمعي د انګورو د تاکونو مسوول ؤ او له شفام څخه زبدي د انګورو د شرابو د زېرمه کولو مسوول ؤ.

28. له جدر څخه بعل حانان د غرونو په لوېدیځو لمنو کې د زیتونو د تېلو او د انځر د ونو مسوول ؤ او یوآش د زیتونو د تېلو د زېرمه کولو مسوول ؤ.

29. له شارون څخه شطرای د هغو پادو مسوولیت په غاړه درلود چې د شارون په ډاګونو کې څرېدلې او د عدلائي زوی شافاط د هغو پادو مسوولیت په غاړه درلود چې په درو کې ساتل کېدلې.

30. اسماعیلي عوبیل د اوښانو مسوول ؤ او د میرونوت څخه یحدیای د خرو مسوول ؤ.

31. هاجري یازیز د رمو مسوول ؤ.دا پورته ذکر شوي کسان د داود پاچا د شتمنۍ ناظران وو.

32. د داود پاچا تره یوناتان یو پوه مشاور او عالم ؤ. هغه او د حکموني زوی یحییل د پاچا د زامنو ښوونکي وو.

33. اخیتوفل د پاچا مشاور ؤ او ارکي حوشای د پاچا ملګری او مشاور هم ؤ.

34. له اخیتوفل څخه وروسته د بنایاه زوی یهویاداع او ابیاتار مشاوران شول.یوآب د پاچا د لښکرو عمومي قوماندان ؤ.